Skype për iPhone ka karakteristika të ngjashme me ato të varianteve të shërbimit për telefona të tjerë. Ju lejon të shikoni kur kontaktet tuaja të skype janë online dhe të disponueshme; të bëni telefonata skype falas; të përdorni SkypeOut për të bërë telefonata drejt numrave fiks; të dërgoni mesazhe të çastit drejt numrave Skype dhe të merrni një telefonatë nëpërmjet një numri SkypeIn. Nuk mund të bëni video-telefonata apo telefonata në konferencë si në versionin për desktop, por me sa duket mund të merrni telefonata për në konferencë (ne nuk mundëm ta testonim këtë tipar).

Skype për iPhone kërkon Wi-Fi për të kryer telefonata zanore. Telefonata Skype-me-Skype ishin me volum të mirë dhe të qarta, me cilësi më të mirë se ajo e një telefonate mesatare. Telefonatat SkypoOut drejt linjave tokësore dhe aparateve celulare nuk ishin po aq të mprehta, por ishin përsëri të mira krahasuar me një telefonatë të mirë me celular. Një herë dëgjova një jehonë të dallueshme dhe çorientuese, por kjo zgjati më pak se një minutë. Tarifat ekzistuese të SkypeOut, të cilat fillojnë me 2.1 centë për minutë janë të njëjta dhe në iPhone.

Megjithatë, Skype për iPhone nuk është pa defekte. Një nga kontaktet e mia shfaqej si offline, megjithëse ishte I lidhur. (Statusi i tij ndryshoi vetëm pasi më telefonoi.) Dhe programi ishte shpesh i vonuar në reagimet ndaj prekjeve në ekran.

Nuk do të gjeni ndonjë gjë të madhe në opsionet vetëm për iPhone. Mund të përdorni kamerën e telefonit tuaj për të marrë një foto për profilin tuaj apo mund të ngarkoni një nga fotot në photo roll, por kjo është gjithçka. Megjithatë, nëse ju nevojitet një shërbim solid VoIP për iPhonin tuaj, me gjithë zemër rekomandoj Skype për iPhone. Sigurisht, rivalët kanë opsione që këtu mund të mungojnë – si aftësia për të chat-uar nëpërmjet shërbimeve IM si AIM dhe Yahoo Messenger, por Skype e fiton lehtësisht betejën për cilësinë e telefonatës.

PCWorld.Al